Հայաստանի քաղաքացիները չեն համարում Սահմանադրությունն իրենցը. Լ. Մարտիրոսյան
ՀՀԿ-ական Լևոն Մարտիրոսյանի կարծիքով՝ Հայաստանի քաղաքացիները չեն համարում Սահմանադրությունն իրենցը: Սա, ըստ պատգամավորի, ցավալի է, բայց հայտնի հումորիստ Գարիկ Մարտիրոսյանի եղբայրը դա բացատրում է նաև այն հանգամանքով, որ «մեր հասարակության իրավագիտակցության մակարադակը բարձր նիշի վրա չէ». «Դա ունի պատմական և ավանդական բացատրություներ»,- հայտարարեց ասուլիսում Մարտիրոսյանը: Նա նաև համաձայն է այն գնահատականի հետ, որ գոյություն ունի լուրջ խզվածություն հանրություն-Սահմանադրության կապի մեջ, բայց դա ամենևին էլ չի նշանակում, թե Սահմանադրությունը պետք չէ հարգել կամ պետք չէ կիրառել: «Պետք է աշխատել այն ուղղությամբ, որպեսզի մեր համաքաղաքացիները իսկապես զգան, որ պաշտպանված են Սահմանադրությամբ: Դա ծավալուն աշխատանք է, ես չգիտեմ, թե որքան ժամանակ ու ջանք է անհրաժեշտ դրա համար, բայց երկու կարծիք այստեղ լինել չի կարող՝ այդ աշխատանքը պետք է անել»,- ասաց պատգամավորը:
Հետևեք մեզ Viber-ում
