Երկրներից մեկը, որի նկատմամբ Արեւմուտքը, ցավոք, շատ բարեհոգի է, Ադրբեջանն է. Սորոս
Երկրներից մեկը, որի նկատմամբ Արեւմուտքը, ցավոք, շատ բարեհոգի է, Ադրբեջանն է, որտեղ բավականին տհաճ բռնապետական ռեժիմ է տիրում։ Այս մասին Open Russia լոնդոնյան ակումբում ասել է Ջորջ Սորոսը։ Նրա խոսքով՝ ինքը ստիպված է եղել մի քանի անգամ անմիջական վեճ ունենալ այդ երկրի նախագահի հետ։ «Նա հաճախ ձեւացնում է, թե պատասխանատվություն չի կրում Ադրբեջանում բռնաճնշումների համար։ Սակայն ինձ հետ զրուցելիս նա այնպիսի խորը գիտելիքներ է ցուցաբերել բանտերում նստած այս կամ այն քաղբանտարկյալների վիճակի մասին, թե ինչ մեղադրանքով են նրանք ձերբակալվել եւ այլն... Այնպես որ դա ընդամենը ձեւականություն է։ Նա (Իլհամ Ալիեւը) շատ բանի համար է պատասխանատու։ Նա փորձում է գոհացնել Արեւմուտքին՝ ցուցադրելով նավթի նոր պոտենցիալ հանքավայրերը։ Եվ ես կարծում եմ, որ Արեւմուտքը մեծ սխալ է թույլ տալիս՝ պաշտպանելով նրան։ Ես կարող էի երկար շարունակել, բայց փաստը, որ երկրներն այդքան տարբեր են, ապացուցում է, որ նրանց պետք է լուրջ վերաբերվել»,– նշել է Սորոսը՝ ընդգծելով, որ դա պարզապես խորհրդային համակարգի շարունակություն չէ։
Հետևեք մեզ Viber-ում
