Նախաքննության ընթացքը կասկածելի է. Հայկ Խանումյանի փաստաբան

Ստեփանակերտում հունիսի 6-ին ծեծի ենթարկված, Ազգային ժողովի ընդդիմադիր պատգամավոր Հայկ Խանումյանի փաստաբան Հայկ Ալումյանի համար նախաքննության ընթացքը կասկածելի է թվում: Այս մասին Խանումյանն ասել է News.am-ին: «Բավականին շատ ականատեսներ են եղել, տեսախցիկներ են տեղադրված այդ վայրում, առավել եւս այս ամենը կատարվել է ցերեկով եւ այնպիսի քաղաքում, որտեղ մարդիկ միմյանց մեծ մասամբ ճանաչում են, եւ այս հանգամանքներում մեղադրանք է առաջադրվել միայն երեք անձի: Ինձ համար կասկածելի է»,-ասել է Հայկ Ալումյանը: Նախաքննության մասին փաստաբանն այլ մանրամասներ չհայտնեց, նշեց միայն, որ իր պաշտպանյալի մասնակցությամբ առերեսում է եղել: