Բաքվի և Ռուսաստանի մտադրությունը

Ադրբեջանի պլաններում է Ռուսաստանի հետ համագործակցության ընդլայնումը և ամրապնդումը, կիրակի օրը հայտարարել է նախագահի աշխատակազմի ղեկավարի տեղակալ Նովրուզ Մամեդովը: «Ռուսաստանը երկիր է, որի հետ մենք կապված ենք հարյուրամյակներ: Երկիր, որի հետ ունենք բարձր համագործակցություն: Մեր պլաններում է Ռուսաստանի հետ համագործակցության ընդլայնումը և ամրապնդումը»,- ասել է Մամեդովը: Trend գործակալության տվյալներով` Ադրբեջանի և Ռուսաստանի միջև ապրանքաշրջանառությունը 2016 թվականի հունվար-մայիս ամիսներին կազմել է 739.8 միլիոն դոլար: Ռուսաստանը Ադրբեջանի հիմնական արտաքին քաղաքական գործընկերն է և զբաղեցնում է երկրորդ տեղը երկրի ընդհանուր ապրանքաշրջանառության մեջ: