Բաղդադում հարձակվել են վարչապետի ավտոշարասյան վրա

Իրաքի մայրաքաղաքում զայրացած ամբոխը քարերով հարձակվել է երկրի վարչապետ Հայդեր ալ-Աբադիի ավտոշարասյան վրա, որն արագորեն հեռացել է Բաղդադի կենտրոնում տեղի ունեցած ահաբեկչության վայրից: Այս մասին գրում էLenta.ru-ն՝ վկայակոչելով NPR-ը: Համացանցում միջադեպի տեսանյութն է հրապարակվել: Դրանում երեւում է, որ մարդիկ ձեռքի տակ եղած առարկաները նետում են վարչապետի մեքենայի ուղղությամբ եւ հայհոյանքներ բղավում: Ըստ Associated Press գործակալության, ամբոխն ալ-Աբադիի մեքենայի հետեւից «Գո՛ղ» է կանչել: