Ստոլտենբերգը Մոսկվային ՆԱՏՕ-ի համար սպառնալիք է դիտարկում

ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Ռուսաստանը դաշինքի դեմ ծառացած սպառնալիքներից մեկն է: Այս մասին նա հայտնել է Վարշավայում կայացած ՆԱՏՕ-ի գագաթաժողովից առաջ Bild-ին տված հարցազրույցում: Ըստ Gazeta.ru-ի, նա նաեւ նշել է, որ գագաթաժողովն անցկացվում է անվտանգության համար վճռական նշանակություն ունեցող ժամանակահատվածում: «Մենք բախվեցիք անկանխատեսելի վտանգների եւ բարդ խնդիրների, այդ թվում՝ Ռուսաստանի կողմից, որը պատրաստ է ուժ կիրառել՝ սահմանները փոփոխելու համար»,- ասել է նա: Ստոլտենբերգը, միաժամանակ, նշել է, որ Կրեմլի հետ առճակատման չի ձգտում: Նրա խոսքով, սառը պատերազմը պատմություն է դարձել եւ այդպիսին էլ պետք է մնա: