Հիվանդանոցում մահացել է Ստամբուլի ահաբեկչության տուժածներից 4-ամյա երեխա
Ստամբուլի Աթաթուրքի օդանավակայանում հունիսի 28-ին տեղի ունեցած ահաբեկչության զոհերի թիվը հասել է 45-ի: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը: Զոհը 4-ամյա հորդանանցի Ռայան Մոհամեդն է, ում կյանքը հիվանդանոցում փրկել չի հաջողվել: Ստամբուլի Աթաթուրքի օդանավակայանում հունիսի 28-ի երեկոյան ահաբեկիչները նախ կրակ են բացել օդանավակայանում գտնվող անձանց վրա, ապա երեք մահապարտները պայթեցրել են իրենց: Ահաբեկչության հետևանքով զոհերի թիվը 45-ն է, 239 մարդ վիրավորվել է: Նրանցից 52-ը շարունակում են բուժում ստանալ հիվանդանոց, ընդ որում 20-ը հատուկ հսկողության տակ են:
Հետևեք մեզ Viber-ում
