Դիեգո Կոստան «Չելսի»-ից հեռանալու ցանկություն է հայտել

Լոնդոնի «Չելսի»-ի հարձակվող Դիեգո Կոստան ակումբի ղեկավարությանը տեղեկացրել է, որ ցանկանում  փոխել ակումբային գրանցումը: Այս մասին տեղեկացնում է Daily Star-ը: 27-ամյա իսպանացին ցանկանում է Լոնդոնից հեռանալ արդեն ընթացիկ ամառային տրանսֆերային պատուհանի ժամանակ: Կոստայի ծառայություններով հետաքրքրվում է Մադրիդի «Ատլետիկո»-ն, որի կազմում նա հանդես է եկել 2007-2014թթ: Դիեգո Կոստան նախորդ մրցաշրջանում անցկացրած 41 խաղում խփել է 16 գոլ ու կատարել 7 գոլային փոխանցում: