«Ջաբհաթ ալ-Նուսրա»-ն դատապարտել է

Dünya Bülteni լրատվական կենտրոնի փոխանցմամբ՝ «Ահրար ալ-Շամ» ահաբեկչական խմբավորումից հետո Ստամբուլի օդանավակայանում գրանցված ահաբեկչությունը դատապարտել է «Ալ-Քաիդայի» սիրիական թևը՝ «Ջաբհաթ ալ-Նուսրա» խմբավորումը։ «Ջաբհաթ ալ-Նուսրայի» բարձրագույն խորհրդի անդամ Էբու Սուլեյման էլ-Մուհաջիրը հանդես է եկել Ստամբուլի օդանավակայանում իրականացված սպանդը դատապարտող հայտարարությամբ, որի հետևանքով զոհվել է 44 մարդ։ Մուհաջիրն ընդգծել է, որ հարձակման հետևանքով զոհվել են մեծ թվով մուսուլմաններ, ինչի համար էլ հարձակում իրականացնողները կապ չունեն ջիհադի հետ և մուսուլման չեն. «Հետաքրքիր է, թե ինչ կրոն են դավանում այդ մարդիկ։ Անհրաժեշտ է խստագույնս պատժել այդ հարձակումը պլանավորած և իրականացրած անձանց՝ մուսուլմանների արյունը թափելու համար»։