«Ալ-Կաիդայի» առաջնորդն ԱՄՆ-ին զգուշացրել է
«Ալ-Կաիդայի» առաջնորդ Այման ալ-Զավահիրին զգուշացրել է ԱՄՆ-ին «սպասվող լուրջ հետևանքների մասին», եթե Բոստոնյան մարաթոնի ահաբեկիչ Ջոխար Ցարնաևը կամ մեկ այլ մուսուլման բանտարկյալ մահապատժի ենթարկվի: Այս մասին հայտնում է Reuters գործակալությունը` նշելով, որ Զավահիրին իր սպառնալիքները հնչեցրել է համացանցում հրապարակված տեսաուղերձում: Իր խոսքում ահաբեկչական խմբավորման ղեկավարը նշել է Ցարնաևի անունը, ում մահապատժի են դատապարտել, որը պետք է իրականացվի մահացու ներարկման միջոցով: Ցարնաևի մահապատժի դատավճիռը կայացվել է անցյալ տարվա հունիսի 24-ին` 2013-ին Բոստոնի մարաթոնի ժամանակ իրականացրած պայթյունի համար, որի հետևանքով 3 մարդ զոհվել էր, ավելի քան 260-ը` վիրավորվել:
Հետևեք մեզ Viber-ում
