ԴԱԻՇ-ին ԱՄՆ-ը կռմբակոծի նաև Աֆղանստանում
The Washington Post-ը՝ հղում կատարելով ռազմական գերատեսչությունում իր բարձրաստիճան աղբյուրներին հայտնում է,որ ԱՄՆ նախագահ Բարաք Օբամայի ադմինիստրացիան ընդլայնել է Աֆղանստանում ամերիկյան զորքերի լիազորությունները՝ ներկայում նրանք կարող են ավիահարվածներ հասցնել ԴԱԻՇ-ի զինյալներին: ԱՄՆ պաշտպանության նախարարության ներկայացուցիչը հայտարարել է, որ նոր հրամանը «ԱՄՆ-ին թույլ կտա ակտիվորեն հարվածներ հասցնել Աֆղանստանում ԴԱԻՇ-ի շարքերին»: Աֆղանստանում ամերիկյան զինվորականները կարող են ռմբակոծել ԴԱԻՇ-ի դիրքերը, իսկ նախկինում նրանք իրավունք ունեին ավիացիա կիրառել միայն 3 դեպքերում՝ օտարերկրյա ուժերին պաշտպանել, աֆղանցի զորքերին թշնամու հետ բախման ժամանակ օգնել և ռմբակոծել «Ալ-Քաիդայի» զինյալներին մարտերի ժամանակ:
Հետևեք մեզ Viber-ում
