Վրաստանում խոզի գրիպից մեկ տղամարդ է մահացել

Sputnik-ը գրում է ,որ  H1N1 վիրուսի հետևանքով առաջացած բարդություններից Զուգդիդի քաղաքի հիվանդանոցում մահացել է 68-ամյա մի տղամարդ, «Ռուսթավի-2» հեռուստաընկերության եթերում հայտարարել է Հիվանդությունների վերահսկողության ու հասարակական առողջության կենտրոնի ղեկավար Ամիրան Գամկրելիձեն:Դա խոզի գրիպի հետևանքով մահացության արդեն երրորդ դեպքն է հունվարի դրությամբ: Ավելի վաղ Աջարիայում վիրուսից մահացել էր 39-ամյա մի տղամարդ և 42-ամյա մի տղամարդ՝ Քութայիսից: «Լաբորատոր կերպով հաստատվել է, որ մահվան այս դեպքը կապված է գրիպի վարակի հետ: Ցավոք, նա բժիշկների է դիմել 5-րդ, 6-րդ օրը ու հաստատվել է, որ վարակը հարուցվել է գրիպի H1N1 վիրուսի հետևանքով»,- հայտարարել է Գամկրելիձեն: