ԵԱՀԿ Մինսկի խումբը Ղարաբաղի խնդրի կարգավորման հարցում ցուցադրել է իր անարդյունավետությունը. Բաքու
ԵԱՀԿ Մինսկի խմբի ձևաչափը, Լեռնային Ղարաբաղի խնդրի կարգավորման հարցում, ցուցադրել է իր անարդյունավետությունը: Այս մասին, ինչպես հայտնում է RIA Novosti-ն, Սևծովյան տնտեսական միության խորհրդարանական վեհաժողովում հայտարարել է Ադրբեջանի պատվիրակության ղեկավար Էլդար Գուլիևը: «Իհարկե, անարդյունավետ է: Մենք բարձրացնում ենք այդ հարցը: Հնարավոր է, ինչ-որ բան անհրաժեշտ կլինի փոխել, սակայն ներկայում չի լուծվում ոչ մի հարց»,- ասել է Գուլիևը: Միաժամանակ, նա դրական է գնահատել Մոսկվայի մասնակցությունը բանակցային գործընթացին, որն ուղղված է երկու երկրների հակասությունների լուծմանը: «Այո´, մենք ցանկանում ենք, որ Ռուսաստանը մասնակցի այդ գործընթացին»,- ասել է նա` հայտարարելով, որ ադրբեջանական կողմն առանց այլընտրանքի է համարում Ղարաբաղի վերադարձն իր տարածք: «Լուծումը կարող է լինել միայն մեկը՝ տարածքների ամբողջական ազատագրում և մարդկային նորմալ պայմանների ստեղծում»,- խոսքը եզրափակել է նա:
Հետևեք մեզ Viber-ում
