Այլընտրանք չկա. Շարմազանով

Հայաստանն ու Ռուսաստանը ռազմավարական դաշնակիցներ են, այդ դաշնակցությունը բոլոր երեք նախագահների ժամանակ եղել է առանցքային: Այս մասին այսօր ԱԺ արտահերթ նիստում Հայաստանի և Ռուսաստանի միջև միասնական հակաօդային պաշտպանության համակարգ ստեղծելու համաձայնագրի քննարկման ժամանակ հայտարարեց ԱԺ փոխխոսնակ Էդուարդ Շարմազանովը: «Որևէ մեկին լավություն չենք արել, մեր ժողովրդին ենք լավություն անում: ՆԱՏՕ-ն չի կարող այլընտրանք լինել ՀԱՊԿ-ին` իր Թուրքիայով հանդերձ»,- ասաց նա: Ինչպես տեղեկացրեց՝ ըստ պայմանագրի, Հայաստանը լիովին պահպանում է ՀՕՊ համակարագի ղեկավարումը և ՀՀ ԶՈՒ-ն սահմանափակված չէ այլ պետության հետ որևէ համագործակցություն իրականացնելու: