Հռոմի պապը, կարծես, Աստված «հագած» լինի
Գրող, հրապարակախոս Մերուժան Տեր-Գուլանյանը հիացած է Հռոմի Ֆրանցիսկոս պապի բարձր մարդկային նկարագրով և նրա այցը Հայաստան դարակազմիկ իրադարձություն է համարում,ում կարծիքով` Հռոմի պապը շարունակում է նույն գործը, ինչ Սուրբ Ֆրանցիսկոսն էր անում: «Մեր ժողովուրդը 1000 տարի սպասում էր, որ քաղաքակրթության որևէ կենտրոնից հնչի Նարեկացու անունը, և 100 տարի էլ սպասել էինք, որ Ցեղասպանության մասին խոսվի բարձր հարթակներից: Երկուսն էլ կատարեց նույն մարդը: Հռոմի պապը լուսավոր մարդ է, նա, կարծես, Աստված «հագած» լինի»,- հայտարարեց Տեր-Գուլանյանը Հայելի ակումբում հրավիրված ասուլիսում և նշեց նաև, որ Պապի այցից հետո պետք է վերանայենք մեր կենցաղը, քանի որ նա զսպվածություն և համեստություն էր քարոզում: «Հիմա պետք է վարագույրը մի կողմ քաշենք և աշխարհն այլ աչքերով տեսնենք»,- ասաց Տեր-Գուլանյանը:
Հետևեք մեզ Viber-ում
