Մխիթարյանը կտեղափոխվի «Մանչեսթեր Յունայթեդ»`26,3 միլիոնի դիմաց

«Մանչեսթեր Յունայթեդը» Դորտմունդի «Բորուսիայի» հայ կիսապաշտպան Հենրիխ Մխիթարյանի համար պատրաստ է վճարել 26,3 միլիոն ֆունտ, հայտնում է Sportbox.ru-ն:

Կողմերը գտնվում են բանակցությունների եզրափակիչ փուլում, և ֆուտբոլիստը բժշկական համապատասխան ընթացակարգերից հետո անգլիական ակումբի հետ շուտով պայմանագիր կստորագրի:

Դորտմունդցիների հետ նրա պայմանագիրն ուժի մեջ է մինչև 2017 թվականը:

Նախորդ մրցաշարում Մխիթարյանը մասնակցել է 31 հանդիպման, դարձել է 11 գոլի և 18 գոլային փոխանցման  հեղինակ: