Իսրայելի և Թուրքիայի միջև բանակցությունները դրական ընթացք են ստանում

Իսրայելի վարչապետ Բենյամին Նեթանյահուն հեռախոսազրույցի ընթացքում երախտագիտություն է հայտնել ԱՄՆ փոխնախագահ Ջո Բայդենին՝ Իսրայելի և Թուրքիայի միջև բանակցություններին աջակցելու համար. հաղորդում է Սպիտակ տունը: Ինչպես տեղեկացնում է РИА Новости-ն,  այսօր Թուրքիան և Իսրայելը, ինչպես ակնկալվում է, կներկայացնեն հարաբերությունների կարգավորման համաձայնությունը: «Իսրայելի վարչապետ Նեթանյահուն զանգահարել է ԱՄՆ փոխնախագահին, որպեսզի երախտագիտություն հայտնի Իսրայելի և Թուրքիայի միջև բանակցություններին աջակցելու համար»,-հաղորդել է Սպիտակ տունը: «Փոխնախագահը փոխվարչապետին շնորհավորել է՝ Թուրքիայի հետ հարաբերություններում առաջընթաց գրանցելու համար՝ ընդգծելով զգալի տնտեսական օգուտները, ինչպես նաև օգուտը՝ երկու երկրների անվտանգության և ողջ արևելյան Միջերկրածովյան տարածաշրջանի համար»,-հավելել են գերատեսչությունից: Թուրքիան և Իսրայելը նախկինում ռազմավարական դաշնակիցներ էին, սակայն միմյանցից հեռացել էին Թուրքիայի արտաքին քաղաքականության ուղեգծի փոփոխության ֆոնին, որը ձգտում էր եվրոպական ինտեգրացիայի՝ արաբա-մուսուլմանական աշխարհում դիրքերն ամրապնդելով: Հարաբերությունների խզման պատճառը դարձել էր 2010 թվականին, երբ իսրայելյան ուժերը գրավեցին Գազայի հատված ուղևորվող թուրքական նավատորմը: Միջադեպի հետևանքով զոհվեց նավում գտնվող 9 թուրք: