Փոթորիկ և զոհեր՝ Արևելյան Չինաստանում

Հունիսի 23-ին Չինաստանի արևելյան Ցզյանսու նահանգի Յանչեն քաղաքում և այլ շրջաններում տեղի ունեցած փոթորկից զոհերի թիվը հասել է 99-ի: Ինչպես հայտնում է Xinhuanet գործակալությունը, վերջին 50 տարվա ամենաուժեղ փոթորկից տուժել է ևս 846 բնակիչ, իսկ շուրջ 1.5 հազար մարդ ստիպված են եղել լքել իրենց տները: Ներկա պահին որոնողա-փրկարարական աշխատանքները դեռևս չեն ավարտվել: Այդ պատճառով իշխանությունները մտավախություն ունեն, որ զոհերի թիվը կարող է աճել: Մի շարք բնակավայրերում խաթարվել է էլեկտրամատակարարումը: Ականատեսների վկայությամբ՝ քամին շրջել է ավտոմեքենաներ, տապալել ծառեր և պոկել տների տանիքները: