1 մլն մարդ ցանկանում է Brexit-ի հարցով անցկացնել կրկնակի հանրաքվե
«Ռիա Նովոստի»-ին հայտնում է,որ ավելի քան 1 մլն մարդ միացել է հայցապահանջին, ըստ որի, պետք է վերանայվեն ԵՄ-ից Մեծ Բրիտանիայի դուրս գալու հանրաքվեի արդյունքները: Հայցապահանջը տեղադրված է Մեծ Բրիտանիայի խորհրդարանի կայքում,այն արդեն ստորագրել է ավելի քան 1 մլն մարդ, բայց հայցապահանջի քննարկման համար պահանջվում է 100 հազար ստորագրություն:
«Մենք կոչ ենք անում կառավարությանը կիրառել այն կարգը, համաձայն որի` 75 տոկոսից քիչ մասնակցության դեպքում, եթե կողմ կամ դեմ քվերակողների թիվը կազմել է ավելի պակաս, քան 60 տոկոսը, ապա պետք է անցկացվի ևս մեկ հանրաքվե»,- ասված է հայցապահանջի տեքստում: Ավելի վաղ change.org կայքում տեղադրված էր հայցապահանջը, որին միացած քաղաքացիները խնդրում էին Լոնդոնը համարել Մեծ Բրիտանիայից անկախ և միանալ Եվրամիությանը: Հայցապահանջը, որին միացել էր 118 հազար քաղաքացի, ուղղված է եղել Լոնդոնի քաղաքապետին:
Հետևեք մեզ Viber-ում
