Շտայնմայերը կայցելի Լեռնային Ղարաբաղ
RIA Novosti-ի փոխանցմամբ` ԵԱՀԿ նախագահ, Գերմանիայի ԱԳ նախարար Ֆրանկ Վալտեր Շտայնմայերը պատրաստվում է այցելել Լեռնային Ղարաբաղ, այդ մասին հինգշաբթի հայտնել են կազմակերպության մամլո ծառայությունում: Հաղորդագրության համաձայն՝ Շտայնմայերը ԵԱՀԿ Մինսկի խմբի համանախագահների հետ Բեռլինում քննարկել է ղարաբաղյան կարգավորումը: «Շտայնմայերը ողջունել է հրադադարի ռեժիմի պահպանման վերջին առաջընթացը: Հանդիպման մասնակիցները համաձայնվել են, որ հրադադարի կայուն ռեժիմը և քաղաքական բանակցություններին վերադառնալը մնում են անփոխարինելի: Այսօրվա բանակցությունների ընթացքում նաև քննարկվել են Լեռնային Ղարաբաղի հակամարտության կարգավորմանը հասնելու հետագա հնարավոր քայլերը, ինչպես նաև Շտայնմայերի տարածաշրջան այցելելու պլանները»,- ասված է հանդիպման արդյունքներով արված հայտարարությունում:
