Արմեն Մուրադյանը՝ԱՆ-ի ձերբակալված պաշտոնյաների մասին

Կառավարության նիստից հետո լրագրողների հետ զրույցում  ՀՀ առողջապահության նախարար Արմեն Մուրադյանը, պատասխանելով այն հարցին, թե քաղծառայողների շրջանում խոսակցություններ կան, որ սոցիալական ծառայողների փաթեթը հնարավոր է կրճատվի,ասաց.«Քաղծառայողների շրջանում կրճատումների մասին տեղեկություն ես չունեմ»: Ինչ վերաբերում է Առողջապահության նախարարության ձերբակալված աշխատակիցների հետևանքով նախարարության կրած վնասներին, Արմեն Մուրադյանն ասաց, որ այդ ուղղությամբ աշխատում են իրավապահները։ «Դրանք քրեական նյութի գործեր են, իրավապահները աշխատում են, շարունակում են այդ գործընթացները»,-պատասխանեց նախարարը: