Դեսպան Անդրանիկ Մանուկյանի ունեցվածքը

«Հայկական ժամանակ»-ը գրում է. «Ուկրաինայում ՀՀ արտակարգ և լիազոր դեսպան Անդրանիկ Մանուկյանը Բարձրաստիճան պաշտոնատար անձանց էթիկայի հանձնաժողով է ներկայացրել իր եկամուտների և ունեցվածքի հայտարարագիրը: Դեսպանը 2015 թվականին շարժական և անշարժ գույք ո՛չ գնել է, ո՛չ օտարել: Նախորդ տարի նա 3 մլն 500 հազար դոլար փոխառություն է տվել: Տարվա սկզբին նրա դրամական միջոցները հետևյալ տեսքն են ունեցել. 345 մլն դրամ, 3.5 մլն դոլար և 380 հազար եվրո (2 մլրդ 220 մլն 500 հազար դրամ): Դեսպանի եկամուտները նախորդ տարի գոյացել են աշխատավարձից՝ ավելի քան 35 հազար դոլար և տրված փոխառությունից ստացված տոկոսներից՝ 118 միլիոն 640 հազար դրամ: Մանուկյանի կինը՝ Անահիտ Մանուկյանը, որը ոչ մի տեղ չի աշխատում, հայտարարագրել է 12 մլն դրամ և 102 հազար դոլար»,-գրում է թերթը: Մանրամասները՝ «Հայկական ժամանակ» թերթի այսօրվա համարում: