Ի պատասխան Պուտինի հայտարարության
ՆԱՏՕ-ն հանդիսանում է «պաշտպանողական դաշինք», որը կարևոր է ԱՄՆ շահերի համար, չորեքշաբթի հայտարարել է Սպիտակ տան պաշտոնական ներկայացուցիչ Ջոշ Էռնեստը: Այդ մասին հայտնում է RIA Novosti-ն: Ճեպազրույցի ժամանակ լրագրողները նրան խնդրել են մեկնաբանել ՌԴ նախագահ Վլադիմիր Պուտինի հայտարարությունը այն մասին, որ ՆԱՏՕ-ն ուժեղացնում է իր ագրեսիվ հռետորաբանությունը: «Մենք բազմիցս ասել ենք, որ ՆԱՏՕ-ն հանդիսանում է պաշտպանողական դաշինք: Այն մեր քաղաքականության անկյունաքարն է այդ ոլորտում: Եվ մեր դաշնակիցները մեզ հետ համագործակցում են ոչ միայն Եվրոպայի անվտանգության ամրապնդման, այլև աշխարհում իրադարձություններին պատասխանելու համար, այդ թվում Աֆղանստանի իրավիճակին»,- ասել է Էռնեստը: Նա վստահություն է հայտնել, որ Վարշավայում ՆԱՏՕ-ի գագաթնաժողովին նախագահ Օբաման հնարավորություն կունենա հանդիպելու իրենց դաշնակիցների հետ: «Դա լուրջ քննարկում կլինի այն մասին, թե մենք ինչ կարող ենք անել դաշինքի զարգացման համար, որը այդքան կարևոր է ԱՄՆ-ի ազգային անվտանգության համար»,- ավելացրել է Սպիտակ տան ներկայացուցիչը:
Հետևեք մեզ Viber-ում
