Հակազդել արգելքների օգնությամբ չի կարելի. Պուտին
Ռուսաստանի նախագահ Վլադիմիր Պուտինը Կրեմլում Համառուսական պատմական ժողովի անդամների հետ հանդիպման ժամանակ հայտարարել է, որ ոչ մի բանի արգելող միջոցներով արդյունավետ հակազդել չի կարելի, հայտնում է RIA Novosti-ն: «Ես ձեզ հետ համաձայն եմ, արգելող միջոցներով ընդհանրապես ոչ մի բանի արդյունավետ հակազդել չի կարելի, ընդհանրապես ոչ մի բանի»,- ասել է նախագահը երկուշաբթի: ՌԴ գիտությունների ակադեմիայի ընդհանուր պատմության ինստիտուտի գիտական ղեկավար Ալեքսանդր Չուբարյանը և գրող Սերգեյ Շարգունովը Պուտինին նվիրել են գրքեր: «Այս տարի լույս է տեսնում «21 դարի» վերջին՝ 6-րդ հատորը, այդպիսով կներկայացվի համաշխարհային պատմության ռուսական գաղափարը: Մենք այժմ աշխատում ենք անգլերեն թարգմանության վրա… Եվ երկրորդ հսկայական նախագիծը ռուսական պատմական հանրագիտարանի 18 հատորներն են: Եվ ես ցանկանում եմ ձեզ նվիրել երրորդ հատորը»,- ասել է Չուբարյանը՝ դիմելով ՌԴ նախագահին:
Հետևեք մեզ Viber-ում
