ԴԱԻՇ առաջնորդի կալվածքի լուսանկարները

Իրաքցի ապստամբ Սերդար Մահմուդը համացանցում կալվածքի լուսանկար է տեղադրել, որը նրա պնդմամբ՝ պատկանել է ԴԱԻՇ առաջնորդ Աբու Բաքր ալ-Բաղդադիին: Այդ մասին հայտնում է Daily Mail-ը: Մահմուդը սելֆի է արել Սիրիայի հյուսիսային Մանբիջ քաղաքում գտնվող լքված առանձնատան տանիքին: Լուսանկարում երևում է ԴԱԻՇ-ի առաջնորդի դատարկ լողավազանը: «Ուղտեր և մի քանի ձիեր… Ալ-Բաղդադին ուներ կենդանաբանական այգի»,- մեկնաբանել է նա լուսանկարը Twitter-ում: Ինչպես նշում է պարբերականը, տղամարդը, ով Սիրիայի հյուսիսում և Իրաքում քրդական խմբավորումների հետ կռվում է ԴԱԻՇ-ի դեմ, համացանցում պարբերաբար հրապարակում է լուսանկարներ, որոնք պատկերում են ԴԱԻՇ-ի դեմ պայքարը: Աբու Բաքր ալ-Բաղդադիի կալվածքը գրավել են 2016 թվականի հունիսի կեսերին: Դրանից հետո ԱՄՆ գլխավորությամբ միջազգային կոալիցիան ավիահարվածներ է հասցրել Ռաքքա շրջանում: Հարձակման արդյունքում ԴԱԻՇ-ի առաջնորդը ենթադրաբար զոհվել է, ինչի մասին հայտարարությամբ հունիսի 14-ին հանդես է եկել The Daily Mirror-ը: