Թուրքական ՀՕՊ համակարգը կտեղակայվի Սիրիայի հետ սահմանին

Թուրքիան մտադիր է հակաօդային պաշտպանության նոր համակարգ տեղակայել և փորձարկել Սիրիայի հետ սահմանին՝ հայտնում է ամերիկյան պրոֆիլային Defense News պորտալը՝ հղում անելով թուրքական անվտանգության ծառայության աղբյուրներին։ Պորտալի տվյալներով՝ Թուրքիայի իշխանությունները ծրագրում են տեղակայել հակաականանետային ռադարային Serhat համակարգ, օպերատիվ-մարտավարական նշանակության HIMARS հրթիռա-հրետանային համակարգ, սահմանի մոտ 70 կմ-անոց հատվածում կպարեկեն նաև մինի-դիրիժաբլները։ Թուրքիայի անվտանգության ծառայությունում պորտալի աղբյուրները հայտնել են, որ ՀՕՊ համակարգը կտեղակայվի երկրի հարավային Քիլիս նահանգում՝ Էլբեյլի քաղաքում սահմանի հատման կետից ոչ հեռու։ Ծրագրվում է, որ ադ շրջանում նոր համակարգի տեղակայումը նաև կօգնի պաշտպանել Գազիանտեպ, Հաթայ, Շանլըուրֆա և Մարդին շրջանները։