Մեկնարկում է Թբիլիսի-Բաթումի-Թբիլիսի չվերթը

Վրաստանի Թբիլիսիի եւ Նատախտարիի օդանավակայաններից հունիսի 24-ից սկսվելու են դեպի Բաթումի թռիչքները, հայտնում է Bizzone.info գործարար պորտալը: Նշվում է, որ Թբիլիսի-Բաթումի-Թբիլիսի չվերթն իրականացնելու է ղազախական SKYBUS ավիաընկերությունը: Տոմսի արժեքը, հաղորդվում է, կազմելու է 50 ԱՄՆ դոլար: Նատախտարի-Բաթումի-Նատախտարի չվերթն իրականացնելու է վրացական Service Air ավիաընկերությունը եւ այս տոմսերն արժենալու են 80 լարի կամ 36.7 ԱՄՆ դոլար: Մանրամասնվում է, ղազախական ավիաընկերության թռիչքներն իրականացվելու են ամեն երկուշաբթի, չորեքշաբթի եւ ուրբաթ, իսկ վրացականինը՝ երեքշաբթի, հինգշաբթի եւ կիրակի: