Գերմանիական դատարանը մերժել է Էրդողանի բողոքարկումը

Գերմանիայի Քյոլն քաղաքի դատարանը մերժել է Թուրքիայի նախագահ Ռեջեփ Թայիփ Էրդողանի բողոքարկումը, որով նա պահանջում էր գործ բացել «Axel Springer» մեդիա կոնցերնի ղեկավար Մաթիաս Դեպֆների դեմ: Այս մասին հաղորդում է «ТАСС»-ը: Այդպիսով, դատարանն ուժի մեջ է թողել համայնքային դատարանի այն որոշումը, որով մայիսի կեսերին հրաժարվել էր հետաքննություն սկսել Դեպֆների դեմ: Էրդողանը դատի էր տվել «Axel Springer»-ի ղեկավարին գերմանացի երգիծաբան Յանա Բեմերմանի սկանդալային բանաստեղծությունից հետո: Հաղոդավարը կարդացել էր այն մարտի 31-ին «Neo Magazin Royale» հաղորդման եթերում: Արդյունքում Դեպֆները պաշտպանել էր Բեմերմանին` գրելով նրան բաց նամակ, որում նշում էր, որ պատրաստ է միանալ հնչած բանաստեղծության մտքերին` «ձևակերպումներին և վիրավորանքներին»: Դատարանը համարել էր, որ Դեպֆների ձևակերպումները թույլատրելի են, քանի որ նա ունի իր կարծիքն արտահայտելու ազատություն: