Ադրբեջանը ռուս քաղաքագետին մտցրել է «սև ցուցակ»
Ադրբեջանը ռուս արևելագետ և քաղաքագետ Եվգենի Սատանովսկուն մտցրել է «սև ցուցակ», երեքշաբթի RIA Novosti-ին հայտնել է Ադրբեջանի ԱԳՆ մամլո ծառայության ղեկավար Հիքմեթ Գաջիևը: «Եվգենի Յանովիչ Սատանովսկու անունը, որն անօրինական, առանց պաշտոնական Բաքվին տեղեկացնելու այցելել է ադրբեջանական օկուպացված տարածք, ինքնաբերաբար ընդգրկված է Ադրբեջանի ԱԳՆ «սև ցուցակում»: Նրա այցն անօրինական է, իր այցով նա խախտել է «Պետական սահմանի մասին» Ադրբեջանի օրենքը և Միգրացիոն օրենքի պահանջները»,- ասել է Գաջիևը: Բաքուն 2013 թվականին հրապարակել է օտարերկրացիների «սև ցուցակը», որոնք առանց Ադրբեջանի կառավարության հետ համաձայնեցնելու այցելել են Լեռնային Ղարաբաղի տարածք: Այդ մարդկանց մուտքն Ադրբեջան արգելված է: Ցուցակում կա մի քանի հարյուր մարդ:
Հետևեք մեզ Viber-ում
