Ուշադրություն. վտանգավոր են

Zara, Mango և Bellford հագուստ արտադրողների տղամարդու վերնաշապիկները չեն համապատասխանում Մաքսային միության անվտանգության հարցերով տեխնիկական կանոնակարգերի պահանջներին: RNS-ի հաղորդմամբ՝ այս մասին ասվում է Որակի ռուսական համակարգի ուսումնասիրության մեջ: Հաղորդվում է, որ հետազոտության ընթացքում օգտագործվել է օտարերկրյա և ռուսական հայտնի ապրանքանիշերի արտադրության 800-4000 ռուբլի արժողությամբ տղամարդու վերնաշապիկների 29 նմուշ: Բոլոր նմուշների գրեթե կեսը (15 հատ) արտադրվել են Չինաստանի, Մոլդովայի, Հնդկաստանի, Բանգլադեշի, Բելառուսի և Թուրքիայի ֆաբրիկաներում: Ուսումնասիրության արդյունքում խախտումներ են հայտնաբերվել 21 ապրանքի դեպքում, կեսի դեպքում ակնհայտ են եղել շեղումները հայտարարված կառուցվածքից: «Zara-ի, MNG-ի, Bellford-ի նմուշներում գործվածքը գործնականում օդ չի թափանցել՝ այդպիսով չհամապատասխանելով Մաքսային միության տեխնիկական կանոնակարգի պարտադիր պահանջներին, նշանակում է՝ անվտանգ չեն»,- ասվում է Որակի ռուսական համակարգի հաղորդագրության մեջ: Խախտումների մասին տվյալները փոխանցվել են Սպառողների իրավունքների պաշտպանության և մարդու բարեկեցության ոլորտում վերահսկողության դաշնային ծառայություն: Որակի չափանիշերին հարմար եղել է ընդամենը 6 ապրանքանիշի՝ O’STIN (արտադրված է Չինաստանում), Greg (Բելառուս), H&M (Բանգլադեշ), Oodji (Չինաստան), Incity (Չինաստան), Chkalov (Մոլդովա) վերնաշապիկները: