Մեկնարկել է ըմբշամարտի Եվրոպայի երիտասարդական առաջնությունը

Ռումինիայի մայրաքաղաք Բուխարեստում մեկնարկել է ըմբշամարտի Եվրոպայի երիտասարդական առաջնությունը: 1-ին մրցումային օրը մրցագորգ են դուրս եկել 50, 66, 74 և 96 կգ քաշային կարգի հունահռոմեական ոճի ըմբիշները: Հայաստանի հավաքականի անդամներ Սերգեյ Սիմոնյանը (50 կգ), Գևորգ Խումարյանը (60 կգ) և Արման Բաղդասարյանը (74 կգ) հաջող են հանդես եկել և կպայքարեն բրոնզե մեդալների համար: Այդ մասին հայտնում է ըմբշամարտի միջազգային ֆեդերացիան: Սերգեյ Սիմոնյանը կմրցի իտալացի Ջիովանի Ֆրենի հետ: Գևորգ Խումարյանը կպայքարի ուկրաինացի Ալեքսնադր Խրուշինի հետ, իսկ 74 կգ քաշային Արման Բաղդասարյանը ուժերը կչափի թուրք Սերքան Աքոյունի հետ: