Իրավիճակը Սիրիայում վատթարանում է. ՄԱԿ

Իրավիճակը Սիրիայում շարունակում է վատթարանալ: Այս մասին հայտարարել է Սիրիայում հետաքննությունների հարցով ՄԱԿ-ի միջազգային անկախ հանձնաժողովի ղեկավար Պաուլո Պինեյրոն՝ այսօր ելույթ ունենալով Մարդու իրավունքների հարցով կազմակերպության խորհրդի 32-րդ նստաշրջանում։ Այս մասին փոխանցում է RIA Novosti-ն՝ նշելով, որ նրա խոսքով բանակցությունների մասնակիցները պետք է ցույց տան, որ իսկապես հակված են խաղաղ գործընթացի: «Իրավիճակն աստիճանաբար վատթարացել է տարածքների և ռեսուրսների նկատմամբ վերահսկողության համար կատաղի պայքարի վերսկսմամբ»,- ասել է նա։ Հանձնաժողովը հատկապես անհանգստացած է հաղորդագրություններից, որ «Ջեբհաթ ալ-Նուսրան» և «Ալ-Քաիդայի» հետ կապված այլ խմբեր մինչև 15 տարկան հարյուրավոր երեխաների են հավաքագրել Իդլիբում։