Արարատի մարզում բախվել են բեռնատար ГАЗель-ն ու Mercedes-ը. կան վիրավորներ

Հայաստանի քննչական կոմիտեի Արարատի մարզային քննչական վարչությունում նյութեր են նախապատրաստվում` հունիսի 19-ին Արարատի մարզում տեղի ունեցած ավտովթարի փաստով: Ժամը 23:20-ի սահմաններում Երևան-Երասխ ավտոճանապարհին բախվել են ГАЗель 2705 մակնիշի 34 FT 149 համարանիշի, Mercedes մակնիշի 34 RQ 183 համարանիշի ավտոմեքենաները: Ինչպես հայտնում է ֆտոոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են Արարատի բժշկական կենտրոն: Ոստիկանությունն ու քննչական բաժինը պարզում են վարորդների և վիրավորների ինքնությունը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով