Էրդողանը Թուրքիայի ամենահայտնի տրանսգենդերի հետ ճաշել է/տեսաշար/

Ինչպես նշում է Al Arabiya-ն, Թուրքիայի նախագահ Ռեջեփ Թայիփ Էրդողանը Ռամադանի ճաշկերույթը կիսել է երկրում ամենահայտնի տրանսգենդեր աստղի` դերասանուհի Բյուլենթ Էրսոյի հետ:Թուրք ղեկավարի ու տրանսգենդերի ճաշկերույթը տեղի է ունեցել Ստամբուլում իրավապահների կողմից ԼԳԲՏ համայնքի ներկայացուցիչների ցույցը բռնի կերպով ցրելուց ժամեր անց: Աղբյուրը մանրամասնում է, որ Էրդողանի, նրա կնոջ ու սեռական փոքրամասնության հայտնի ներկայացուցչի մասնակցությամբ ճաշկերույթը կայացել է նախագահի պաշտոնական նստավայրում: Հայտնի է, որ 64-ամյա Էրսոյը, ով առավել հայտնի է Դիվա կեղծանունով, սեռը փոխելու վիրահատություն է իրականացրել դեռևս 1980-ականներին` Լոնդոնում: Սակայն հայրենիքում նա բազմիցս ենթարկվել է բանավոր ու ֆիզիկական հարձակումների: