Ինչպիսի պայմաններում են ապրում սիրիացի փախստականները Թուրքիայում. զեկույց

նդդիմադիր «Ժողովրդահանրապետական» կուսակցության (ԺՀԿ) փոխնախագահ Վելի Աղբաբան ներկայացրել է երկրում գտնվող սիրիացի փախստականների մասին զեկույց,որում նշված է, որ Թուրքիայի լողափերի, կղզիների մոտ կարելի է հանդիպել սիրիացի փախստականների դիակների, հիշատակվում է վրանային ճամբարներում բռնկված հրդեհների հետևանքով մարդկային զոհերի, փողոցներում ապրելու դժվարությունների մասին,է սիրիացի փախստականների երեխաներին բռնաբարելու դեպքերի մասին, և որ բռնաբարությունից խուսափելու համար 12-13 տարեկան աղջիկներն ամուսնանում են (վաճառվում)՝ ծառայելով որպես երկրորդ կին: Թուրքական Cumhuriyet թերթի փոխանցմամբ՝ Ը Աղբաբան հայտարարել է, որ Թուրքիան ընդունել է 3 միլիոն փախստականի և այդ ցուցանիշով առաջին տեղն է զբաղեցնում աշխարհում, սակայն երկրում այդչափ փախստականներ չէին հայտնվի, եթե իշխող «Արդարություն ու զարգացում» կուսակցությունը (ԱԶԿ) Սիրիայի հարցով չվարեր սխալ քաղաքականություն,նա հիշեցրել է, որ ԱԶԿ-ը սիրիական հակամարտության մեկնարկում որպես «կարմիր գիծ» էր սահմանել 100.000 փախստականի ժամանումը, սակայն ներկա դրությամբ Թուրքիայում գտնվող սիրիացի փախստականների թիվը հասնում է 3 միլիոնի: ԺՀԿ փոխնախագահը ընդգծել է, որ Թուրքիայում գտնվող սիրիացի փախստականների ընտանիքներում ծնվել է 150.000-450.000 երեխա, և որ սիրիացի փախստականների միայն 10 տոկոսն է ապրում վրանային քաղաքներում: Զեկույցում նշված է մոտ 400.000 սիրիացի երեխաներին գործատուների կողմից շահագործելու մասին, նրանք օրական աշխատում են 12 ժամ և ստանում 100 թուրքական լիրա (1 դոլարը հավասար է 2.89 լիրայի): Ընդ որում՝ նրանք աշխատում են հակասանիտարական պայմաններում: Թուրքիայում ապաստանած սիրիացի փախստականներից 700.000-ն անչափահաս են: