Թուրքիան է իրանական բեռնատարների վրա իրականացվող հարձակումների պատասխանատուն

Թուրքիայի կառավարությունն ուղղակի պատասխանատվություն է կրում իրանական բեռնատարների վրա իրականացված հարձակումների համար, իրանական «ԻՍՆԱ» լրատվական գործակալությանը տված հարցազրույցում՝ հայտարարել է ԻԻՀ սահմանային անցակետերի և տարանցիկ բեռնափոխադրումների կազմակերպության ղեկավար Մոհամմադ Ջավադ Աթրչիանը: Իրանցի պաշտոնյան, անդրադառնալով Թուրքիայում իրանական բեռնատարների վրա վերջին շրջանում իրականացվող հարձակումներին, տեղեկացրել է, որ առաջիկայում Իրանի, Վրաստանի և Բուլղարիայի միջև հանդիպումներ տեղի կունենան, որոնց ընթացքում կքննարկվի Եվրոպային կապվելու համար Թուրքիան շրջանցող այլ տարանցիկ ուղիներ գտնելու հարցը: Անդրադառնալով իրանական բեռնատարների վարորդներին տրամադրվող վիզային՝ Աթրչիանը նշել է, որ Վրաստանն ու Ադրբեջանը պաշտոնապես արդեն չեղյալ են հայտարարել վիզային ռեժիմը, իսկ Հայաստանի հետ բանակցություններ են ընթանում: