Թուրքիայում ինքնաշեն գնացքի վթարից 9 մարդ է զոհվել

Այսօր Թուրքիայում գնացքի եւ միկրոավտոբուսի բախման հետեւանքով զոհված անձանց թիվը հասել է իննի, եւս մեկ հոգի վիրավոր է, հայտնում է ТАСС-ը: Նշվում է, որ վթարը տեղի է ունեցել Թուրքիայի արեւելյան Էլյազըգ շրջանում: Մանրամասնվում է, որ միկրոավտոբուսում գտնվելիս է եղել 10 մարդ, որոնցից չորսը՝ Սիրիայի քաղաքացիներ: CNN-ի թուրքական ծառայության տեղեկություններով, ավտոբուսի բոլոր ուղեւորները եղել են սեզոնային գյուղատնտեսական աշխատանքներ կատարող բանվորներ: Նույն տեղեկություններով, միկրոավտոբուսը ցանկացել է հատել երկաթգծերը, սակայն չի կարողացել դուրս գալ դրանց վրայից: Թեեւ այդ ճանապարհով մշտական գնացքներ չեն անցնում, բայց գյուղացիները նշված հատվածում օգտագործում են ինքնաշեն գնացք, որն էլ հարվածել է միկրոավտոբուսին եւ մարդկանց մահվան պատճառ դարձել: