«Վարչապետը և ՊՆ նախարարն իրենց անձնական միջոցներով օգնել են վիրավոր զինվորներին». Անահիտ Բախշյան. տեսանյութ
«Պետությունը մեր զինվորի կողքին չէ: Պետական մարմինները մեկ լումա անգամ չեն տրամադրել Գերմանիա բուժման մեկնած զինվորներին, գումարները տրամադրվել են մասնավոր անձանց կողմից: Մինչդեռ պետությունը զինվորներին պետք էր անհրաժեշտ օգնություն ցուցաբերեր: Սակայն պետք է նշեմ, որ ՀՀ վարչապետը և ՊՆ նախարարն՝ իրենց անձնական միջոցներով օգնել են վիրավոր զինվորներին»,-այս մասին Հայելի ակումբում ասաց Երևանի ավագանու «Բարև Երևան» խմբակցության անդամ Անահիտ Բախշյանը, ով շեշտեց, որ վիրավոր զինվորի՝ Արման Լազգիյանի դեպքում նույնիսկ պետպատվերի գումարը չի փոխանցվել «Էրեբունի» բժշկական կենտրոն: «Հրաշքով ողջ մնացած տղաների բուժման համար գումարներ խնայելը նմանվում է «բալը թանկ է» հայտնի խոսքին: Ցավալի է նաև այն, որ քար լռություն է ԼՂՀ իշխանությունների կողմից: Մինչդեռ նրանք ևս պետք է աջակցեին վիրավոր զինծառայողների բուժման գործընթացներին»,-ընդգծեց տիկին Բախշյանը:
Հետևեք մեզ Viber-ում
