Իրանի հատուկ ծառայությունները Թեհրանում ահաբեկչություն են կանխել

Իրանական Press TV հեռուստաալիքի փոխանցմամբ՝ Իրանի հատուկ ծառայությունները ահաբեկչություն են կանխել Թեհրանում: Այս մասին հայտարարել է Իրանի Ազգային անվտանգության բարձրագույն խորհրդի քարտուղար Ալի Շամհանին: Նրա խոսքով՝ վերջին օրերին իրականացվել են կասկածյալների կալանավորումներ, որոնք պայթյուններ են ծրագրել իրանական մայրաքաղաքում: Շամհանին ընդգծել է, որ Իրանում անխուսափելիորեն կկանխվի մուսուլմանների համար սրբազան համարվող Ռամադան ամսում նման ծրագրերի իրագործումը: Մեկ ամիս առաջ Իրանի հետախուզական հարցերով նախարար Մահմուդ Ալավին հայտարարել էր 20 ահաբեկչական խմբերի բացահայտման մասին, որոնք ծրագրել էին Իրանում գործի դնել պայթուցիկ սարքեր՝ երկրում իրավիճակն ապակայունացնելու համար: