Կումսիշվիլին մեկնաբանել է «օրենքի գող» Դավիթ Գեռլիանիի արտահանձնումը Վրաստաին

News Georgia լրատվական գործակալության փոխանցմամբ՝ Վրաստանի առաջին փոխվարչապետ Դմիտրի Կումսիշվիլին մեկնաբանել է «օրենքի գող» Դավիթ Գեռլիանիի արտահանձնումը Ուկրաինայից Վրաստան: Կումսիշվիլիի խոսքով՝ Գեռլիանին, ով քրեական շրջանակներում հայտնի է «Սվան» մականունով, անպայման կկալանավորվի, եթե հաջողվի պարզել նրա կապը «գողական» աշխարհի հետ: «Մեզ մոտ՝ Վրաստանում, բավական խիստ գործող օրենք է «գողական» աշխարհի հանդեպ, և ես բացարձակապես վստահ եմ, որ ՆԳՆ-ն ու համապատասխան գերատեսչությունները դրան արձագանքում են համապատասխանաբար: Եթե նա մասնակից է «գողական» աշխարհին, ապա նրան պարտավոր են կալանավորել Վրաստանի տարածքում»,- ասել է նա: «Սվանը», ով Թբիլիսի է ժամանել երեկ, միջազգային օդանավակայանում անարգել անցել է անձնագրայն վերահսկողությունը: Գեռլիանիի ժամանման մասին հայտարարել է ընդդիմադիր «Միասնական ազգային շարժում» կուսակցության պատգամավոր Գիվի Տարգամաձեն: Ավելի ուշ հրապարակված կադրերը, որ տարածել է «Ռուսթավի 2» հեռուստաընկերությունը, հաստատել են այդ տեղեկատվությունը: Վրաստանում «գողական» աշխարհին մասնակիցը լինելը քրեորեն պատժելի արարք է և նման դեպքերում նախատեսված է 5-10 տարվա ազատազրկում: