Ադրբեջանում զինծառայողը սպանել է ծառայակցին, ապա` ինքնասպան եղել

Ադրբեջանի ընդդիմադիրները հայտնում են Ղազախի շրջանում տեղակայված զորամասերից մեկում տեղի ունեցած սպանության և ինքնասպանության դեպքերի մասին, ինչը այդ երկրի պաշտպանության գերատեսչությունը մինչ այժմ շարունակում է թաքցնել ադրբեջանական հանրությունից։ Ըստ նրանց, օրեր առաջ, Ադրբեջանի զինված ուժերի զինծառայող Ասիման Աբդուլլա օղլու Աղազադեն (Ağazadə Asiman Abdulla oğlu) իրեն ամրակցված ծառայողական զենքից սպանել է համածառայակից Ալլադին Խալիդդին օղլու Մուստաֆաևին ( Mustafayev Ələddin Xaliddin oğlu), որից հետո նույն զենքից ինքնասպան է եղել։ Ըստ նույն աղբյուրների, երկուսն էլ հատուկ նշանակության ուժերի զինծառայողներ են։ Լուսանկարում ՝ Ալլադին Խալիդդին օղլու Մուստաֆաևն է: Ալեն Ղուլյան, Ֆեյսբուք: