Ստամբուլահայ լեզվաբան Սեւան Նիշանյանի դեմ հերթական դատական գործն է սկսվելու

Անօրինական շինարարություն իրականացնելու մեղադրանքներով ազատազրկման դատապարտված հայտնի ստամբուլահայ լեզվաբան Սեւան Նիշանյանի դեմ հերթական դատական գործն է սկսվելու հոկտեմբերի 25–ին։ Ինչպես տեղեկացնում է Ստամբուլի հայկական «Ակոս»–ը, Սեւան Նիշանյանի դեմ հերթական դատական գործում նրա դեմ «հասարակության մի հատվածի դավանած կրոնական արժեքները վիրավորելու» մեղադրանքով։ Սեւան Նիշանյանի փաստաբան Էրգին Ջինմենը հայտնել է, որ Սեւան Նիշանյանին դեմ բազմաթիվ դատական գործեր կան, որոնց կմիավորվի Մուհամեդ մարգարեին վիրավորելու մեղադրանքը, իսկ դատական առաջին նիստը տեղի է ունենալու հոկտեմբերի 25–ին։ Սեւան Նիշանյանը բանտում անցկացնելու է մինչեւ 11 տարի՝ անօրինական շինարարություն իրականացնելու համար: Սեւան Նիշանյանը Հայոց ցեղասպանության մասին մշտապես բարձրաձայնել է Թուրքիայում եւ աչքի է ընկել իր անվախ պահվածքով։