Սիրիայի քրդերը նպատակադրվել են կտրել Թուրքիայի ու ԴԱԻՇ-ի միջև ցամաքային կապը
RIA Novosti լրատվական գործակալության փոխանցմամբ` Սիրիայի քրդերի «Դեմոկրատական միություն» կուսակցության (PYD) ներկայացուցիչ Աբդ Սալամ Ալին հայտարարել է, որ Սիրիայի դեմոկրատական ուժերը (SDF) սիրիական Մանբիջ քաղաքի գրոհից հետո իրենց առաջադրանքն են համարելու թուրք-սիրիական սահմանի այն ողջ 80 կիլոմետրանոց սահմանի ազատագրումը, որը ներկայումս գտնվում է իսլամական զինյալների ձեռքում: Ալին ընդգծել է, որ այդ դեպքում կմիավորվեն իրենց Քոբանի ու Աֆրին շրջանները. «Վերջնական նպատակը Աֆրինն է: Անհրաժեշտ է փակել սահմանը, քանի որ ահաբեկիչները նրանով ստանում են զենք ու համալրումներ: Այդ նպատակի համար կարևոր է Մանբիջի ազատագրումը, որը գտնվում է Քոբանիից հարավ-արևմուտք: Մանբիջն արգելափակված է, նրա գրավումը ժամանակի հարց է: Սակայն գրոհը բարդացնում է այն, որ այնտեղ գտնվում են մեծ թվով խաղաղ բանակիչներ, որոնց զինյալները, ըստ էության, պահում են որպես պատանդներ: Մանբիջից հետո քրդերը կշարունակեն շարժվել դեպի արևմուտք` մինչև Աֆրինի ճանապարհի ամբողջական ազատագրում ու սահմանը կմաքրեն իսլամականներից»:
Հետևեք մեզ Viber-ում
