Դուրս կգանք փլեյ-օֆֆ. Կոնտե

Իտալիայի ազգային հավաքականի գլխավոր մարզիչ Անտոնիո Կոնտեն գոհ է մնացել Եվրոպայի 2016թ. առաջնության E խմբի երկրորդ տուրի Շվեդիայի ընտրանու դեմ տարած նվազագույն հաղթանակից: «Անչափ դժվար եւ կոպիտ հանդիպում էր: Շվեդ ֆուտբոլիստներն անում էին ամեն բան, որպեսզի զրկեին մեզ գնդակից: Նույնիսկ այդ դեպքում մենք կարողանում էինք վտանգավոր պահեր ստեղծել: Բացի գոլից, կարողացանք նաեւ հարվածել դարպասաձողին: Ով կարող էր սպասել, որ մենք երկու խաղ անցկացնելուց հետո դուրս կգանք փլեյ-օֆֆ: Իմ սաներն այսօր փայլուն աշխատանք կատարեցին»,- Կոնտեի խոսքերն է մեջբերում Football Italia-ն: