Գեղամյանը սպառնում է Սամվել Բաբայանին, Քոչարյանին ու Օսկանյանին
Խորհրդարանում «Սպառողների պաշտպանության մասին» օրենքում փոփոխություններ անելու մասին հարցի քննարկման ժամանակ ելույթով հանդես եկավ ՀՀԿ խմբակցության պատգամավոր Արտաշես Գեղամյանը: Ըստ նրա՝ քոչարյանամետ կայքերը սկսել են իր դեմ խոսել. «Միտքս պարզեցնելու համար անդրադարձ կատարեմ վերջին 2 ամսվա զարգացումներին. քառօրյա պատերազմի օրերին պարտքս համարեցի մամուլով հանդես գալ եւ հետո առանձին գիրք հրատարակել, սակայն որոշ լրատվամիջոցներ սկսեցին հայհոյախառը հոդվածներ հրապարակել»: Նա հայտարարեց, որ ԱԺ ամբիոնից դիմում է Ռոբերտ Քոչարյանին, Սամվել Բաբայանին, Վարդան Օսկանյանին. «Ձեզ գովերգող կայքերի գամերը քաշեք: Եթե ձեզ թվում է ես պետք է այս կամ այն դուրսընկած լրագրողին քննադատեմ՝ սխալվում եք: Մի՛ արեք, որ ես իմ տարերքի մեջ ընկնեմ ու սկզբից մինչեւ վերջ հիմնավոր կերպով քննադատության թիրախ դարձնեմ ձեզ: Հավատացնում եմ, հարկադրված կլինեք գոնե ժամանակավոր ձեր պռոպիսկան անգամ փոխեք»:
Հետևեք մեզ Viber-ում
