Էրդողանը դատի է տալիս
Արտաքին ուժերը, որոնք պնդում են, որ Թուրքիայում քաղաքացիական պատերազմ է ընթանում, խորապես սխալվում են, նման բան Թուրքիայում չկա, հայտարարել է Թուրքիայի նախագահ Ռեջեփ Թայիփ Էրդողանը: «Նրանք, որոնց մասին այդքան հոգ եք տանում, որոնց կերակրում եք ձեռքից, դիվերսանտներ են, ու այսօր մենք վերականգնում ենք ամեն ինչ, որ նրանք ավերել են»,- հայտարարել է Էրդողանը՝ նշելով, որ արտաքին ուժերը, որոնք գաղտնի աջակցում էին ահաբեկիչներին և նրանց առաջարկում իրենց ծառայությունները, հիմա ստիպված կլինեն կանգնել դատարանի առաջ: «Ժամանակին նրանք նրանց համար բերում էին զենք իրենց ավտոմեքենաներով: Թող հիմա պատասխան տան իրենց արածների համար: Գործընթացն սկսվել է, քրեական գործերն արդեն ուղարկվում են դատարաններ»,- ասել է նա:
Հետևեք մեզ Viber-ում
