«Ցինիկ հո չե՞ք, արա՛». Հրանտ Բագրատյան
Լրագրողների հետ հանդիպման ընթացքում Հրանտ Բագրատյանը նշեց, որ Կառավարությունը չունի որևէ տեսլական, թե 15 տարի հետո ինչ տեսք կունենա տնտեսությունը:Ինչպես նշեց՝ հարկային օրենսգիրքը խոշորի համար նվազեցնում է հարկերը, իսկ մանր ու միջինի համար` բարձրացնում: «Բոլոր փոփոխությունները, որոնք պետք էին, կարելի էր օրենքներ փոխել, այլ ոչ՝ օրենսգիրք: Տնտեսության տարաբնակեցումը ոչ մեկին պարզ չէ։ Մի բան է ակնհայտ, որ դատելով եվրոպական երկրների և Չինաստանի տնտեսություններից, եթե առաջիկայում ամբողջ տնտեսությունը չհանձնվի փոքր ու միջին բիզնեսներին, ամբողջը՝ մինչև 88%-ը, Հայաստանը չի զարգանա: Հնարավոր չէ, որ խոշոր օպերատորը կրեատիվ ձևով զարգացնի»,- հայտարարեց նա: Բագրատյանը վստահեցրեց, որ եթե վաղը ժողովուրդը դուրս գա փողոց՝ կռիվ անի, ինքը նրանց կողքին կլինի. «Բա մենք ուրիշ ի՞նչ շանս ունենք: Եթե իմ ասած տրամաբանությանը չես պատասխանում, ասում ես՝ հերիք է Նոբելյան մրցանակի մտքեր արտահայտեք, բան-ման, դա ցինիկություն է, պատասխան չէ: Ցինիկ հո չե՞ք, արա՛»:
Հետևեք մեզ Viber-ում
