Ռուսաստանը կատարել է Ադրբեջանին Т-90С տանկերի մատակարարման հարցում ստանձնած պարտավորությունները

TASS լրատվական գործակալության փոխանցմամբ` Ռուսաստանն ամբողջովին կատարել է Ադրբեջանին Т-90С տանկերի մատակարարման հարցում ստանձնած պարտավորությունները: Այդ մասին հինգշաբթի լրագրողների հետ զրույցում հայտարարել է «Ուրալվագոնզավոդ» կորպորացիայի գլխավոր տնօրեն Օլեգ Սիենկոն: Նա Պետերբուրգի միջազգային տնտեսական ֆորումի ընթացքում, պատասխանելով լրատվամիջոցի համապատասխան հարցին, հայտարարել է. «Ամբողջովին կատարել ենք, մատակարարումներն ավարտվել են»: Ավելի վաղ հաղորդվել էր, որ 2016 թվականին պետք է ավարտվեն Ադրբեջանին ռուսական БМП-3 հետևակի մարտական մեքենաների մատակարարումները: Ռուսաստանն ու Ադրբեջանը զենքի ու տեխնիկայի խոշոր խմբաքանակի մատակարարումների մասին պայմանավորվել են 2010 թվականին: «Ռոսօբոռոնէքսպորտը» հայտնել էր, որ պայմանագրերի այդ փաթեթը պլանավորված էր իրագործել մինչև 2017 թվականին: Փորձագետներն այդ համաձայնագրերի արժեքը գնահատել են մինչև մեկ միլիարդ դոլար: