ԱՄՆ-ը նախազգուշացրել է Ասադին և Ռուսաստանին

ԱՄՆ Պետքարտուղար Ջոն Քերրին Ռուսաստանին նախազգուշացրել է, որ ԱՄՆ-ի համբերությունը՝ Սիրիայի նախագահ Բաշար Ասադի ճակատագրի և սիրիական կոնֆլիկտի հարցով, սպառվում է: Այս մասին հայտնում է «РИА Новости» գործակալութունը՝ հղում տալով ֆրանսիական «France Press» լրատվական գործակալությանը: «Մենք ձեռքերս ծալած չենք նստի, մինչ Ասադը կշարունակի Հալեպի վրա ագրեսիվ հարձակումը, իսկ Ռուսաստանը նրան կաջակցի»,- հայտարարել է Քերին: Նրա խոսքով՝ ԱՄՆ-ը մտադիր է կարճ ժամանակում հասնել համաձայնագրի մի շարք դրույթների ճշգրտումների՝ բացառելով տարաձայնությունները, թե ում վրա են դրանք տարածվում ու թե ինչ միջոցառումներ են հարկավոր դրա կյանքի կոչման համար: Գլխավոր հարցերից մեկը, որի հարցով պահպանվում են տարաձայնությունները, նախագահ Բաշար Ասադի ճակատագիրն է: Սիրիայի ընդդիմության մի մասը և Արևմուտքի երկրները վճռականորեն պնդում են, որ սիրիացի առաջնորդը տեղ չունի երկրի ապագայում: Ռուսական կողմը մեկ անգամ չէ, որ հայտնել է՝ Ասադի և Սիրիայի կառավարության ապագան կարող է որոշել միայն Սիրիայի ժողովուրդը: