Թուրքիան հրաժարվում է Աթաթուրքի գաղափարախոսությունից. Bloomberg
Թուրքիայի նախագահ Ռեջեփ Թայիփ Էրդողանի գլխավորությամբ իշխող «Արդարություն եւ զարգացում» կուսակցության (ԱԶԿ) առաջնորդները ցանկանում են երկրի սահմանադրությունից հանել Թուրքիայի Հնարապետության հիմնադիր Մուստաֆա Քեմալ Աթաթուրքի աշխարհիկ գաղափարախոսությունը: Այս մասին Bloomberg.com կայքում գրում են լրագրողներ Սելջան Հաջաօղլուն եւ Ֆըրաթ Քոզոքը: «Գլխավոր տեսակետն այն է, որ նոր սահմանադրության մեջ որեւէ հատուկ գաղափարախոսության վրա հղում չկատարվի: Սահմանադրության նախաբանում ավելի նպատակահարմար է նշվի, որ Մուստաֆա Քեմալ Աթաթուրքը Թուրքիայի Հանրապետության հիմնադիրն է»: Նրանց կարծիքով` Էրդողանն ու իշխող ԱԶԿ-ն, քաղաքականություն մտնելով իսլամիստական շարժումից, մասնակիորեն հետ են կանգնել իրենց կողմից «խեղդող եւ հակադեմոկրատական» համարվող Աթաթուրքի ժառանգությունից: Թուրքիայի ներկայիս սահմանադրության համաձայն, պատգամավորներն ու նախագահը հավատարմության երդում են տալիս աշխարհիկությանն ու Աթաթուրքի «սկզբունքներին ու բարեփոխումներին»: «Էրդողանը համառում է հարցի հետ կապված հանրաքվե անցկացնելու հարցում, անգամ այն դեպքում, եթե չկարողանա հավաքել այն խորհրդարանով անցնելու համար պահանջվող 367 քվեները», -հայտարարել է Մեհմեթ Ուչումը:
Հետևեք մեզ Viber-ում
